კავკასიის ქალთა ქსელს (CWN) შესახებ:

1996 წელს კონფლიქტების და მოლაპარაკებების საერთაშორისო კვლევითმა ცენტრმა მხარი დაუჭირა ქალთა თანასწორობის საკითხების მეცნიერული შესწავლის საჭიროებას და 1997 წლის აგვისტოდან ინსტიტუციური მხარდაჭერა გაუწია ახლადშექმნილ ჯგუფს – ‘კავკასიის ქალთა ქსელს’ (CWN), რომელმაც ათი წელი იმუშავა ცენტრის ჭერქვეშ და შემდეგ დამოუკიდებელ ორგანიზაციად დარეგისტრირდა (2007 წ.).
კავკასიის ქალთა ქსელში გაერთიანებულმა ადამიანებმა მრავალი კვლევითი, საგანმანათლებლო და საკანონმდებლო ცვლილებათა მომზადების პროგრამებით მნიშვნელოვნად შეუწყვეს ხელი ქალთა თანასწორობისა და პოლიტიკური მონაწილეობის ზრდას ქვეყანაში, რათა კონფლიქტის მშვიდობიანი დარეგულირებისა და ადამიანთა უსაფრთხოების მიმართულებით ქალთა და გოგონათა საჭიროებები ყოფილიყო გათვალისწინებული სახელემწიფო პოლიტიკის შექმნისა და განხორციელებისას.
კავკასიის ქალთა ქსელის ინიციატივით საფუძველი ჩაეყარა რამოდენიმე კოალიციის, რეგიონული ქსელის, ლობირების დროებითი და სახელმწიფო სამუშაო ჯგუფების შექმნას და მნიშვნელოვანი საქმიანობით დადებითი გავლენა მოახდინა ქვეყნის დემოკრატიზაციის ვექტორზე.